MAHADBT या योजनेत अर्ज करून मिळवू शकता शेती उपयोगी सर्व अवजारे

शेतकरी बंधुनो एखाद्या सरकारी योजनेचा लाभ घायचा असल्यास सर्व कागदपत्र गोळा करून सरकारी कार्यालयात चकरा माराव्या लागतात. हा सर्वसामान्य जनतेचा अनुभव आहे. यातून मुक्त होण्यासाठी कृषि विभागाने MAHADBT पोर्टल सुरु केले आहे. तुम्हाला कृषि विभागाच्या कार्यालयात  जाण्याची गरजच आता राहिली नाही.  आणि कागपत्रेही द्यायची आवश्यकता नाही. तुम्ही घर बसल्या अर्ज करून योजनेचा लाभ घेऊ शकता.

कृषी विभागाने MAHADBT  या online  पोर्टल वर सर्व योजना एकाच अर्जात आणल्या असून तुम्ही एकदा अर्ज करून तुम्हाला  आवश्यक असणाऱ्या ट्रॅक्टर पासून ते फवारणी पंप पर्यंत सर्व यंत्र सामुग्री तसेच ठिबक सिंचन, तुषार सिंचन, इंजिन, मोटार, पाईप या सर्व घटकासाठी या प्रणाली वर अर्ज करू शकता. 

अर्ज करण्यासाठी खालील कागदपत्रे आवश्यक आहे. 

१. आधार कार्ड

२. ७/१२ 

३. ८ अ 

४ बँक खाते क्र आणि IFSC Code 

५. आधार कार्ड लिंक मोबाईल नंबर (लिंक नसल्यास बायोमेट्रिक मशीन लागेल)

असा करा अर्ज

mahadbtmahait Farmer Login  या साईट वर जा.

किंवा खालील लिंक वर क्लीक करा. 

https://mahadbtmahait.gov.in/Farmer/Login/Login

उजव्या कोपऱ्यातील नवीन अर्जदार नोंदणी करा वर क्लिक करा. 

अर्जदाराचे नाव 

वापरकर्त्याचे नाव व पासवर्ड तयार करा. (जपून ठेवा)

मोबाईल नंबर टाका व व्हेरिफाय करा. 

प्रतिमेत दर्शविलेले शब्द प्रविष्ट करा. 

नोंदणी करा. 

नोंदणी झाल्यावर पुन्हा अर्जदार लॉगिन वर क्लीक करा. 

वापरकर्ता आय डी मध्ये

तुम्ही तयार केलेला वापरकर्त्याचे नाव व पासवर्ड टाका. प्रतिमेत दर्शविलेले शब्द टाकून लॉगिन करा.

वैयक्तिक तपशील

मध्ये नाव ,जन्म तारीख ,जात वर्गवारी, बँक खाते क्र , IFSC Code टाका. 

त्यानंतर पिकाचा तपशील सादर करा मध्ये आपल्या शेतात असलेली पिके समाविष्ट करा. ज्या पिकांना ठिबक सिंचन करायचे असेल त्याचा समावेश करा . 

त्यानंतर इतर माहिती मध्ये आपल्याकडे उपलब्ध असलेले सिंचन स्रोत  विहीर, कूपनलिका, कालवा, शेततलाव ....  इत्यादी माहिती जोडा. 

आता परत डाव्या कोपऱ्यातील मुख्यपृष्ठ वर जा. 

अर्ज करा या वर क्लीक करा.

कृषी यांत्रिकरण

१) ट्रॅक्टर

२) पॉवर टिलर

३) ट्रॅक्टर/ पॉवर टिलर चलित अवजारे

४) बैल चलित यंत्र/अवजारे

५) मनुष्य चलित यंत्र/अवजारे

६) प्रक्रिया संच

७) काढणी पश्च्यात तंत्रज्ञान

८) फलोत्पादन यंत्र/अवजारे

९) वैशिष्ट्यपूर्ण यंत्र अवजारे

१०) स्वयं चलित यंत्रे

भाडे तत्वावरील सुविधा केंद्र:

१) कृषि अवजारे बँकेची स्थापना

२) उच्च तंत्रज्ञान , उत्पादन सेवा सुविधा केंद्राची स्थापना

वरील घटकासाठी अर्ज करायचा असल्यास  कृषी यांत्रिकरण समोरील बाबी निवडा वर क्लीक करा. आपणास हवे असलेल्या घटकाची निवड करा. व जतन करा. व मेनू वर जा.

फलोत्पादन 

भाऊसाहेब फुंडकर फळबाग लागवड योजना  या घटकासाठी अर्ज करायचा असल्यास फलोत्पादन समोरील बाबी निवडा या पर्याय वर क्लिक करा. 

त्यानंतर वरील फोटोत दाखवल्याप्रमाणे तुम्हाला जे फळपीक लागवड करायचे असेल त्याची निवड करा. व जतन करा. 

सिंचन साधने व  सुविधा 

ठिबक सिंचन , तुषार सिंचन, पपंसेट/इंजिन/मोटार , पाईप्स , वैयक्तिक शेततळे , शेततलावात प्लास्टिक अस्तरीकरण करायचे असल्यास सिंचन साधने व  सुविधा या समोरील बाबी निवड वर क्लिक करा. आपणास हवे असलेल्या घटकाची निवड करा. व जतन करा. व मेनू वर जा

 अर्ज सादर करा या बटनावर क्लिक  करा.

त्यानंतर पहा या बटनावर क्लिक करा. 

आपण निवडलेल्या बाबी ना प्रधान्य नुसार क्रमांक द्या. व नंतर  अर्ज सादर करा या बटनावर क्लिक  करा.

Make Payment या बटनावर क्लिक करून   २३.६० रुपये पेमेंट online पद्धतीने करा. 
त्यानंतर तुम्ही मी अर्ज केलेल्या बाबी वर जाऊन स्वतःचा अर्ज पाहू शकता. 

अशा विविध माहितीसाठी व्हाट्सअप अँप ग्रुप ला जॉईन होण्यासाठी खालील लिंक वर जा. 

https://chat.whatsapp.com/BYBQ5WMwTqQ0iG5b1Xc7Rj

अधिक माहितीसाठी खालील विडिओ पहा 👇

https://youtu.be/2jhbUSCegIo